डांगापुरको चोरीको घटनामा कुख्यात चोर टकला पक्राउ

सिलगढी (निसं): सिलगढीको प्रधान नगर थाना अतर्गत इलाकामा पर्ने घरहरूमा लगातार भइरहेको चोरी, छिनताइको घटनाले मानिसहरू धेरै आतङ्कित भइरहेका थिए। तथापि पुलिसले डांगापुर इलाकाको एउटा घरमा चोरी गरेको आरोपमा कुख्यात चोर टकला उर्फ सफिकुल इस्लामलाई पक्राउ गरेपछि मानिसहरूले राहतको श्वास फेरेका छन्। अपराधको जगतमा सफिकुल इस्लामलाई टकला’-को नामले चिनिन्छ। पुलिस सूत्र अनुसार गत केही दिन अघि दार्जिलिङ मोड नजिक डांगापुरस्थित एउटा घरमा चोरीको घटना भएपछि यसबारे थानामा अभियोग दर्ता गरिएको थियो। यसपछि घटनाको छानबिन गर्दा पुरानो अपराधी टकला हाल जमानतमा रिहा भएर जेलबाट बाहिर आएका छन् भन्ने पत्तो लागेपछि शुक्रवार राति टकलालाई पुलिसले पक्राउ गऱ्यो। यसपछि तिनलाई सोधखोज गर्दा अन्तमा डांगापुरस्थित घरमा भएको चोरीको घटनालाई आफुले अञ्जाम दिएको कुरा टकलाले पुलिस समक्ष स्वीकार गरे। पुलिसले टकलाको घरबाट चोरी भएको सबै सर-सामानहरू पनि उद्धार गरेको छ। प्रधान नगर थाना पुलिसले आज आरोपी टकलालाई सिलगढी अदालतमा पेश गऱ्यो।


जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ

This site is protected by reCAPTCHA and the Google Privacy Policy and Terms of Service apply.