डाबग्राम-फुलबारी इलाकामा आज साँझदेखि 30 जुलाईसम्म लकडाउन

सिलगढी : कोरोना संक्रमणको संख्या दिन-प्रतिदिन बढ्दै गइरहेकोले यसलाई केन्द्र गरेर आज साँझ 6 बजीदेखि आगामी 30 जुलाई राति 10 बजीसम्म डाबग्राम 1 र  2 अनि फुलबारी 1 र 2 विधानसभा इलाकामा सम्पूर्ण लकडाउनको घोषणा गरिएको छ। कोरोना संक्रमणलाई रोकथाम गर्ने उद्देश्य लिएर जलपाईगढीका जिल्लाशासकसित कुराकानी गरेर उक्त निर्णय लिएको डाबग्राम-फुलबारीका विधायक तथा पर्यटन मन्त्री गौतम देवले बताए। उक्त विधानसभा केन्द्र अन्तर्गत पर्ने सिलगढी नगरनिगमको 14 वाट वार्डहरूमा पनि पूर्ण रूपमा लकडाउन गरिनेछ भने केही आवश्यक परिसेवा मात्र खुल्ला रहनेछ।