दार्जिलिङ चिड़ियाखानामा जन्मियो एउटा रेड पान्डा

दार्जिलिङ : दार्जिलिङ पद्माजानायडु हिमालयन ज्युलजिकल पार्कमा रेड पान्डाले यस वर्षको सिजनमा पाँचौँ नयाँ बच्चालाई जन्म दिएको छ। सम्बन्धित सूत्रले दिएको जानकारीअनुसार आमा येसी (रेड पान्डा)-ले एउटा स्वस्थ बच्चालाई यहाँको पद्माजानायडु हिमालयन ज्युलजिकल पार्कमा रहेको प्रजनन संरक्षण केन्द्र तोप्के डाँडामा जन्माएको छ। उक्त बच्चाको बाबु पबु (रेड पान्डा) रहेको बताइएको छ। हाल आमा येसी र नवजात बच्चा दुवै स्वस्थ अवस्थामा रहेको छ। पद्माजानायडु हिमालयन ज्युलजिकल पार्क दार्जिलिङका डाइरेक्टर धरम देवले दिएको जानकारी अनुसार दार्जिलिङ चिड़ियाखाना एकमात्र देशभरिकै रेड पान्डाको प्रजनन संरक्षण केन्द्र हो भने येसी र पबुले जन्माएको बच्चा यो यस वर्षको मौसममा पाँचौँ रेड पान्डाको बच्चा हो। उक्त नव आगन्तुक रेड पान्डाको बच्चा जन्मिएपछि चिड़ियाखानामा कार्यरत कर्मचारीहरूमा खुसीको माहौल देखापरेको छ।  


जवाफ लेख्नुहोस्

तपाईंको ईमेल ठेगाना प्रकाशित हुने छैन ।

This site is protected by reCAPTCHA and the Google Privacy Policy and Terms of Service apply.