दार्जिलिङ जिल्ला कङ्ग्रेस कमिटी-द्वारा राजीव गाँधीको 77औँ जन्म जयन्ती पालन

सिलगढी : दार्जिलिङ जिल्ला कङ्ग्रेस कमिटीको तर्फबाट पूर्व प्रधानमन्त्री राजीव गाँधीको 77औँ जन्म जयन्ती पालन गरियो। सिलगढीको हासमी चौकस्थित पार्टीको मुख्य कार्यालयमा आज कङ्ग्रेसका नेता तथा कार्यकर्ताहरूले राजीव गाँधीको प्रतिकृतिमा फुलमाला चढाएर श्रद्धाञ्जलि अर्पण गरे। कङ्ग्रेस दार्जिलिङ जिल्ला महासचिव जीवन मजुमदारले विविध कार्यक्रमको माध्यमद्वारा राजीव गाँधीको जन्म जयन्ती पालन गरियो। यसबाहेक आजको दिन राष्ट्रिय एकता दिवसको रूपमा पालन गरिएको तिनले बताए।