दार्जिलिङको तामसाङमा हाम्रो पार्टी-को कमिटी गठन

दार्जिलिङ : दार्जिलिङको तामसाङ चिया कमानको मखमली हलमा हाम्रो पार्टीको सभा सम्पन्न भयो। सुरज प्रधानको अध्यक्षतामा सम्पन्न भएको सभामा स्थानीय गाउँलेहरूको बाक्लो उपस्थिति रहेको थियो। सभालाई सम्बोधन गर्ने क्रममा धीरज गुरूङले हाम्रो पार्टीको भिजन र पार्टी अध्यक्ष अजय एडवार्डको समाजिक कार्यहरू तथा तिनको सामाजिक सोंच, भिजनको प्रशंसा गर्दै गोर्खा जातिको हित र स्थानीय समस्याहरूलाई समाधान गर्नको लागि हाम्रो पार्टी-लाई दह्रिलो बनाउनु पर्ने सबैसित आह्वान गरे। त्यसरी नै सरोज राईले आफ्नो सम्भाषणमा अजय एडवार्ड जस्तो इमान्दार नेता हामीले पाउनु भनेको हाम्रो सौभाग्य हो भनि बताए। यसको साथै सभामा स्थानीय गाउँलेहरूले आ-आफ्नो पक्ष राखेपछि हाम्रो पार्टी अनि पार्टी अध्यक्ष अजय एडवार्डको हात दह्रिलो बनाउने संकल्प लिइँदै हाम्रो पार्टीको तामसाङ शाखा गठन गरियो। उक्त कमिटीमा अध्यक्ष धीरज गुरूङ, उपाध्यक्ष अनुराग छेत्री, सचिव सरोज राई, सहसचिव नीतेश थामी, कोषाध्यक्ष राम कुमार लगायत अन्यलाई सर्वसहमति अनुसार छनौट गरियो।