दार्जिलिङलाई व्यवस्थित गर्ने भिजन लिएर आएका अनित थापाको भिजनलाई हाम्रो भिजन बनाऔं: दलसिंह अकेला

दार्जिलिङ: भारतीय गोर्खा प्रजातान्त्रिक मोर्चाको आयोजनामा आज घुम जोरबङ्लो समष्टि अन्तर्गत वार्ड नम्बर 13 आलुबारीमा चुनावी सभा सम्पन्न भयो। एसएम लेप्चाको सभापतित्वमा सम्पन्न भएको सभामा दार्जिलिङका प्रख्यात साहित्यकार तथा गीतकार दल सिंह ‘अकेला’-को विशेष उपस्थिति रहेको थियो। यसबाहेक सभामा पार्टीका महासचिव अमर लामा लगायत पार्टीका अन्य नेतृत्वहरूको उपस्थिति रहेको थियो। दलसिंह अकेला-ले सभामा उपस्थित वार्डका वासिन्दाहरूलाई सम्बोधन गर्दै भने, दार्जिलिङको गरिमा जान्नु हो भने 183-मा स्थापना भएको दार्जिलिङ नगरपालिकाको गौरमय इतिहास जान्नु अत्यन्तै आवश्यक छ। आज सम्मका वार्ड कमिश्नरहरुले के गरे, कसो गरेन त्यता पटी नलागौं। हामीले धेरै भूल गरेका छौ। भूलहरू दुःखदायी हुन्छ। तर आगामी दिनमा दार्जीलिङको सुन्दरीकरण गर्न, दार्जिलिङलाई व्यवस्थित गर्ने जुन भिजन लिएर अनित थापा अनि भारतीय गोर्खा प्रजातान्त्रिक मोर्चा अघि आएको छ, त्यसलाई हाम्रो भिजन बनाऔं।