दिल्ली वार्ताको निम्ति पहाड, तराई र डुवर्सका जनतालाई गोरानामो खरसाङद्वारा अग्रिम शुभकामना

खरसाङ: गोर्खा राष्ट्रिय नारी संगठन खरसाङ ब्राञ्च कमिटीका सचिव कमला राईले प्रेस बिज्ञप्ति जारी गरेर आगामी 12 अक्टोबर 2021 को दिन दिल्लीमा हुने त्रिपक्षीय वार्ताको निम्ति गृहमन्त्री अमित शाह, सांसद राजु बिष्ट, विधायक निरज जिम्बा, विधायक बीपी बजगाइँ, गोरामुमो अध्यक्ष मन घिसिङ साथै गठबन्धन दलका सम्पूर्ण नेतृत्वहरूलाई धन्यवाद दिँदै आभार व्यक्त गरेकी छन्। यसको साथै तिनले पहाड, तराई अनि डुवर्सका जनतालाई यो ऐतिहासिक वार्ताको निम्ति शुभकामना समेत दिएका छन्। तिनले आउँदो भावी पिँढीको निम्ति, तपाईं हाम्रो भाग्यको निम्ति सबै एक हुनपर्छ, टुटेर होइन जुटेर फत्ते गर्नु पर्छ भन्दै अहिले राजनीति गर्ने समय नरहेको बताएको छ। तिनले सांसद राजु बिष्टले केही गरेन भनेर दोष लगाउँछ तर हामीले विगतको पनि धेरै वर्ष देख्यौं तर उपलब्धि केवल शुन्य छ भन्दै केवल दुई बर्षको अन्तरालमा आज आएर हाम्रो मुद्दालाई सुनवाइ गर्दै त्रिपक्षीय वार्ताको निम्ति तिनले ढोका खोलिदिएका छन् भनी जारी विज्ञप्तिमा बताइएको छ। यसको साथै सांसद राजु बिष्टले गोर्खाहरुको लागि अन्य विषय बस्तुहरुमा पनि संसद भवनदेखि जनताको माझमा रहेर आफ्नो कर्तव्य निर्वाह गर्दै आइरहेको गोरानामो खरसाङका सचिव कमला राईले दावी गरेकी छन् ।