धुपगढीमा ट्रकले किच्चाएर बाइक सवार व्यक्तिको मृत्यु

धुपगढी : धुपगढीमा ट्रकको चपेटमा परेर एकजना व्यक्तिको मृत्यु भएको छ। मृतक व्यक्ति धुपगढीको मागुरमारी इलाका निवासी ताजिमुल हकको रूपमा चिन्हित गरिएको छ। प्राप्त जानकारी अनुसार ताजिमुल हक आज बाइकमा सवार भएर सुपरमार्केट गइरहेको समय मिलपाड़ा सुपर मार्केट अघि सड़क पार गरिरहेको समय गायरकाटाबाट धुपगढीतर्फ गइरहेको एउटा ट्रकले किच्चायो। तीव्र गतिमा आइरहेको एउटा ट्रकले बाइकमा सवार ताजिमुललाई लगभग 100 मिटर परसम्म घिसारेर लगेपछि घटनास्थलमै तिनको मृत्यु भएको बताइएको छ। घटनाको खबर पाएर दमकलको वाहन र धुपगढी थाना पुलिस घटनास्थलमा पुगेर शव उद्धार गरेर पोस्टमार्टमको लागि अस्पतालमा पठाएको छ। घटनापछि स्थानीय मानिसहरूले चाँडै सुपरमार्केट नजिक पुलिसको निगरानी बढ़ाउने माग गरेका छन्।