दिनहटा घटनाको जाँच गर्न बाघडुग्रा आइपुगे राज्यपाल सीभी आनन्द बोस

सिलगढी : दिनहटामा केन्द्रीय गृह राज्य मन्त्री र राज्यका मन्त्रीबीच हातापाई भएको घटनाबारे जाँच गर्नको लागि राज्यपाल सीभी आनन्द बोस विमानमार्फत्  आज बाघडुग्रा हवाईअड्डामा ओर्लिएपछि त्यहाँबाट सोझै दिनहाटा प्रस्थान गरे। राज्यपाल सीभी आनन्द बोस आज कोलकाताबाट विमानमार्फत् बाघडुग्रा हवाईअड्डामा ओर्लिएपछि पत्रकारहरूलाई सम्बोधन गर्दै भने, दिनहाटा घटनाको स्थितिबारे जाँच गर्नको लागि आज म आएको हुँ। घटनास्थलमा गएर त्यहाँका मानिसहरूसित कुराकानी गरेर घटनाबारे विस्तृत जानकारी लिनेछु। हिजोको घटनाको रिपोर्ट मागेको छु। यो गोपनीय मामिला हो। घटनास्थलको निरीक्षण गरेपछि मात्र यसबारे केही भन्न सक्नेछु।