दिवङ्गत अम्पायर विकास चन्द्र लामाको स्मरणमा दरिद्र नारायण सेवाको आयोजना  

सिलगढी : सिलगढी रेफरिज एन्ड अम्पायर्स एसोसिएसनको तर्फबाट दिवङ्गत अम्पायर विकास चन्द्र लामाको स्मरणमा आज दरिद्र नारायण सेवाको आयोजना गरियो। प्राप्त जानकारीअनुसार गत 16 अगस्तमा कोरोना संक्रमित भएर प्रसिद्ध अम्पायर विकास चन्द्र लामाको निधन भएको थियो। यसैले आज तिनको स्मरणमा सिलगढीको कञ्चनजङ्घा स्टेडियम परिसरमा सिलगढी रेफरिज एन्ड अम्पायर्स एसोसिएसनको तर्फबाट दरिद्र नारायण सेवाको आयोजना गरेर लगभग 3 सय गरिब मानिसहरूलाई खानेकुरो वितरण गरियो।