दोहोरो नागरिकता राखेको आरोपमा युवक हिरासतमा

खोरीबारी : एसएसबी 41औँ बटालियन रानीडाङ्गा अन्तर्गत भारत-नेपाल सीमामा तैनाथ सुरक्षाकर्मीहरूले भातगाउँ कम्पनीको डाङ्गुजोत एसएसबी बीआईटी पोस्टमा नेपालतर्फ गइरहेको एकजना युवकलाई दोहोरो नागरिकता राखेको आरोपमा हिरासतमा लिएको छ। हिरासतमा लिएका उक्त युवक नौशाद आलम (29)-को रूपमा चिन्हित गरिएको छ। प्राप्त जानकारी अनुसार एसएसबी डाङ्गुजोत बीआईटी पोस्टमा सुरक्षाकर्मीहरूले नेपाल गइरहेका एकजना युवकलाई रोकेर छानबीन गर्दा भारतको आधार कार्ड र नेपाली नागरिकता उद्धार गरेको बताइएको छ। यसपछि एसएसबीका जवानहरूले दोहोरो नागरिकता राखेको आरोपमा उक्त युवकलाई हिरासतमा लिएर आवश्यक कार्वाहीपछि खोरीबारी थानालाई सुम्पिदिएको छ। अर्कोतिर, खोरीबारी थाना पुलिसले अग्रिम कार्वाही गर्दै उक्त युवक विरुद्ध मामिला दर्ता गरेर आज सिलगढी अदालतमा पेश गर्यो।