जलपाईगढी: पश्चिम बङ्गालमा अहिले काली पुजाको तयारी जोडतोडले चलिरहेको छ। पुजा अवधि भिन्न-भिन्नै थिममा पुजा मन्डालहरू बनिँदैछ। यसैक्रममा यसपाली जलपाईगढीमा दुबईको प्रसिद्ध बहुतल्ले भवन बुर्ज खलिफामा माँ काली विराजमान रहने छन्। स्मरण रहोस, दुर्गा पुजामा कोलकातामा श्रीभूमी स्पोर्टिङ क्लबले पन्डालको रूपमा 145 फीट अग्लो बुर्ज खलिफा-को प्रतिकृति तयार गरेर धेरै लोकप्रियता तथा स्याबासी कमाएको थियो।जलपाईगढीको गोमस्तापाडा नबारून सङ्घ क्लबले पनि हाल विश्वकै सबैभन्दा अग्लो भवन बुर्ज खलिफाको शैलीमा पुजा मन्डालको निर्माण गरिरहेको छ।
यस क्लबको पुजा यो वर्ष 56 औ काली पुजा हुनेछ। सिलगढी र कोलकाता बीच संयुक्त लाइटिङ शो मार्फत बुर्ज खलिफाको तयारी प्रशासनको नियम अनुसार भइरहेको छ भने यसपल्ट पुजाको मोठ बजेट 10 लाख रूपियाँ रहेको क्लबका सचिव राजेश मण्डलले जनाएका छन्।