दुई युवतीहरू प्रणय बन्धनमा बाँधिएपछि मन्दिरमा गएर गरे बिहे, परिवारद्वारा असहमति

सिलगढी : सिलगढी संलग्न हातियाडाङ्गा निवासी दुईजना युवतीको मित्रता प्रेममा परिणत भएपछि दुवैले मन्दिरममा गएर देवी मातालाई साक्षी राखेर बिहे गरे। तथापि, दुवै युवतीको परिवारका सदस्यहरूले तिनीहरूको विवाहलाई स्वीकारेका छैनन्। यहाँसम्म कि परिवार सदस्यहरूले तिनीहरूलाई धम्की समेत दिने गरेको बताइएको छ। सिलगढी संलग्न हातियाडाङ्गा निवासी स्वप्ना बसाक र प्रियङ्का बसाकको गत वर्ष दिसम्बरमा भेट भएको थियो। यसपछि दुवै बीच कुराकानी शुरू भएपछि एका-अर्कालाई प्रेम गर्न थाले। यसबारे परिवारका सदस्यहरूले थाहा पाएपछि तिनीहरूको सम्बन्धलाई अस्वीकार गरे। ती दुईबीझ प्रगाढ प्रेम रहेकोले गर्दा तिनीहरूले परिवारविरुद्ध गएर अन्ततः गत 15 अगस्तको दिन मन्दिरमा गएर बिहे गरे। तिनीहरूको आरोप अनुसार बिहेपछि विभिन्न ठाउँहरूबाट तिनीहरूलाई फोन आइरहेको छ। फोनमार्फत् तिनीहरूलाई सम्बन्ध विच्छेद गर्ने दबाउ दिइरहेको छ। एका-अर्का बिना बस्न नसक्ने तिनीहरूले बताइन्।