दुर्गा पुजा सकेपछि सिलगढी जिल्ला अस्पतालमा कोरोना टेस्ट गर्नेहरूको भीड

सिलगढी :  दुर्गा पुजापछि सिलगढी जिल्ला अस्पतालमा कोभिड टेस्ट गर्नको लागि मानिसहरूको भीड देखियो। सामान्य सर्दी, खोकी अथवा कोरोनाको प्राथमिक लक्षण देखापरे आरटीपीसीआर र रेपिड एन्टीजेन टेस्ट गरिरहेको छ। सिलगढी जिल्ला अस्पतालको फिभर क्लिनिकमा रोगीहरूको संख्या निक्कै बढेको छ। धेरैजसो मानिसहरू उक्त क्लिनिकमा सर्दी, खोकीको समस्या लिएर उपचारको लागि आइरहेका छन्। को-मोर्बिडिटी-को रोगीहरूको पहिला आरटीपीसीआर टेस्ट गरिरहेको छ। सिलगढी जिल्ला अस्पतालका अधीक्षक डा. अमिताभ मण्डलले बताएअनुसार प्रत्येक दिन लगभग 100 वटा नमुना संग्रह गरिने गरिन्छ भने कुनै दिन यसभन्दा अधिक नमुना संग्रह गरिरहेको छ। हाल मौसम परिवर्तनले गर्दा पनि धेरैजसो मानिसहरू ज्वरो, सर्दी र खोकी जस्ता रोगले पीडित भएकोले फीभर क्लिनिकमा रोगीहरूको निक्कै भीड हुने गरेको तिनले बताए। दिनहुँ लगभग 80 जना रोगीहरू फिभर क्लिनिकमा आफ्नो स्वास्थ्य जाँच गराउन आइरहेको तिनले बताए। ओएसडी (कोभिड-19 उत्तरबंग) डा. सुशान्त रायले हालै बताएअनुसार आगामी केही दिनमा जिल्लामा नमुना जाँचको संख्या बढ़ाइनेछ।