दुर्घटनामा परेर हिँड्डुल गर्न नसक्ने दुई भाइको उपचारको लागि वृद्ध ठुलो दाजुद्वारा सहयोगको अपील

राजगञ्ज : दुर्घटनापछि हिँड्डुल गर्न असक्षम बनेका दुई भाइको उपचारको लागि वृद्ध ठुलो दाजुले सबैसित सहयोगको गुहार लगाएका छन्। लगभग 6 महीनाअघि सिलगढी संलग्न फुलबारी क्यानल रोडमा सड़क दुर्घटनामा परेर फुलबारीको पूर्व धनतला गाउँ निवासी प्रफुल्ल घोष र मनिन्द्र घोष गम्भीर रूपमा घाइते भएका थिए। गाउँलेहरूले बताएअनुसार यी 3 जना दाजु-भाइले धेरै कठिनाईको साथमा दिन बिताइरहेका छन्। ती 3 जना जर्जर अवस्थामा रहेको एउटा सानो घरमा बस्ने गर्दछन्। तिनीहरूलाई दिनमा केवल एक समयको भोजन जुटाउन निक्कै असुविधा हुने गर्दछ भने कुनै कुनै समय तिनीहरू भोकै बसेर जीवन बिताउन बाध्य छन्। छिमेकीहरूले हर-सम्भव सहयोग गर्दै आइरहेका छन्। प्रफुल्ल घोष र मनिन्द्र घोषको ठुलो दाजु गौराङ्ग घोषले बताएअनुसार आफूहरू तीन भाइ एउटा सानो घरमा बस्ने गर्दछौँ। स्थानीय मानिसहरूको सहयोगमा कुनै प्रकारको आफूहरूले दिन बिताइरहेका छौँ। आफू वृद्ध भएकोले काम गर्न असक्षम छु। केही महिना अघि सड़क दुर्घटनामा परेर दुईजना भाइको खुट्टा भाँच्चिएकोले तिनीहरूले हिँड्डुल गर्न सक्दैनन्। आफूहरूसित खानाको लागि रुपियाँ नरहेकोले यस्तो परिस्थितिमा दुई भाइको उपचार गर्न तिनी असमर्थ छन्। यदि कसैले तिनीहरूलाई सहयोग गरेर दुई भाइको उपचारको व्यवस्था गर्न चाहेको खण्डमा 86378-19453 नम्बरमा सम्पर्क गर्ने तिनले अपील गरेका छन्।