एक्साइज डिपार्टमेन्टद्वारा 120 कार्टुन सिक्किमको रम-रक्सी जफत

सिलगढी (निसं): जलपाईगढी डिभिजन एक्साइज डिपार्टमेन्टको टीमले अभियान चलाएर यात्री वाहक वाहनबाट लाखौँ रुपियाँको रम-रक्सी उद्धार गरे तापनि घटनामा कसैलाई पनि पक्राउ गरिएको छैन। सूत्रले दिएको जानकारी अनुसार अधिक मात्रामा सिक्किमबाट रम-रक्सी दार्जिलिङको सुकेपोखरी लगिरहेको एक्साइज डिपार्टमेन्टको टीमले गोप्य सुइँको पाउनसाथ गत अबेर राति दार्जिलिङको घुम स्टेशन नजिक रोकेर राखेको WB 76 6359 नम्बरको यात्री बोकेको वाहनमा सन्देहको आधारमा जाँच गर्दा 120 कार्टुन रम-रक्सी उद्धार गरेको बताइएको छ। तथापि, वाहनको चालकले घटनास्थलबाट सुइँकुच्चा ठोकेको थाहा लागेको छ। जलपाईगढी डिभिजन एक्साइज डिपार्टमेन्टका कमिश्नर सुजीत दासले बताएअनुसार गोप्य सूचनाको आधारमा अभियान चलाएर एउटा यात्री बोकेको वाहनबाट लगभग 120 कार्टुन रम-रक्सी उद्धार गरेको छ। उद्धार गरेको रम-रक्सीको अनुमानित बजार मूल्य साढे चार लाख रुपियाँ तोकेको छ। उक्त वाहनबाट एउटा ब्लु बुक उद्धार गरेकोले यसैको आधारमा वाहन मालिकको खोजी शुरू गरिएको छ।  कर दी गई है। जलपाईगढी डिभिजन एक्साइज डिपार्टमेन्टको टीमले घटनाको जाँच शुरू गरेको छ।