फुलबारी क्यानल रोडमा सडक दुर्घटनामा 3 जना घाइते

राजगञ्ज : फुलबारी क्यानल रोडको पूर्व धनतला इलाकामा बाइक र वाहन दुर्घटनाग्रस्त हुँदा 3 जना घाइते भएका छन्। घाइतेहरूमा चोपडा संलग्न इलाका निवासी ज्योतिष राय, अर्जुन राय र स्थानीय निवासी दोलन सरकारको रूपमा चिन्हित गरिएको छ। स्थानीय सूत्रले दिएको जानकारी अनुसार आज बिहान ज्योतिष राय र अर्जुन राय बाइकमा सवार भएर चोपडातर्फ गइरहेको समय पूर्व धनतला इलाका एउटा महिलालाई धक्का दिँदा बाइक पल्टियो। त्यहीँ समय 4 जना पर्यटक सवार एउटा वाहन डुवर्सतर्फ गइरहेको समय अनियन्त्रित भएर उक्त बाइकलाई धक्का दिँदा घटनामा बाइकमा सवार दुईजना व्यक्ति लगायत सडक आरोही एउटी महिला गम्भीर रूपमा घाइते भएको बताइएको छ। घटनापछि बाइक चालकलाई उद्धार गरेर उत्तरबंग मेडिकल कलेज एवम् अस्पतालमा पठाउनको साथै अन्य दुईजना घाइतेलाई फुलबारीको एउटा गैर सरकारी अस्पतालमा लगिएको छ। घटनाको खबर पाएर न्यु जलपाईगढी थाना पुलिस घटनास्थलमा पुगेर जाँच शुरू गरेको बताइएको छ।