फुलबारीमा बिजुलीको झट्काले खलासी घाइते

राजगञ्ज : राजगञ्जको फुलबारी 2 नम्बर ग्राम पञ्चायतको जियागञ्ज मोडमा बिजुलीको झट्का लागेर ट्रकको खलासी गम्भीर रूपमा घाइते भएका छन्। स्थानीय सूत्रले दिएको जानकारी अनुसार जियागञ्ज मोडमा रहेको फार्ममा ट्रकमा लादेर सुङ्गुरहरू लगिरहेको समय खलासी ट्रकमाथि चढ्दा त्यहाँको 11 हजार भोल्टेज भएको तारसित स्पर्श हुँदा बिजुलीको झट्काले तिनलाई जमिनमा फ्याँकेपछि तिनी गम्भीर रूपमा घाइते भएको बताइएको छ। स्थानीय मानिसहरूको सहयोगमा घाइते अवस्थामा तिनलाई उपचारको लागि अस्पतालमा लगियो। घटनापछि ट्रक चालकले सुइँकुच्चा ठोके। न्यु जलपाईगढी थाना पुलिसले घटनाको जाँच शुरू गरेको छ।