फुलबारी महानन्दा ब्यारेजबाट अज्ञात व्यक्तिको शव उद्धार

सिलगढी : फुलबारी महानन्दा ब्यारेजबाट आज अज्ञात व्यक्तिको शव उद्धार भएको छ। प्राप्त जानकारीअनुसार आज दिउँसो स्थानीय मानिसहरूले फुलबारी महानन्दा ब्यारेजमा उक्त व्यक्तिको शव देखेपछि घटनाबारे पुलिसलाई खबर दिए। घटनाको खबर पाएर एनजेपी पुलिस तथा फाँसीदेवा पुलिस घटनास्थलमा पुगेर शव उद्धार गरेर पोस्टमार्टमको लागि उत्तरबंग मेडिकल कलेज एवम् अस्पतालमा पठाएको छ। घटनाको जाँच शुरू गरेको पुलिस सूत्रले जनाएको छ।