फुलबारीमा मानव देहांश उद्धार

राजगञ्ज : फुलबारी 2 नम्बर ग्राम पञ्चायतको पूर्व धनतला इलाकाको सडकमा मानव देहांश उद्धार भएपछि इलाकामा सनसनी मच्चियो। हात, खुट्टा, टाउको नभएको उक्त देहांश कुनै शिशुको हुनसक्ने स्थानीय मानिसहरूले अनुमान लगाएका छन्। स्थानीय सूत्रले दिएको जानकारीअनुसार आज बिहान प्रातःभ्रमणमा निस्केका मानिसहरूले पूर्व धनतलाको नतुनहाट-चतुरागछको जोडापानी नदीमाथि रहेको एउटा पुलमा शिशुको देहांश कुकुरले खाइरहेको देखेपछि घटनाबारे पुलिसलाई खबर दिए। घटनाको खबर पाएर एनजेपी थाना पुलिस घटनास्थलमा पुगेर उक्त देहांश उद्धार गरेर लैजानको साथै घटनाको जाँच शुरू गरेको पुलिस सूत्रले जनाएको छ।