फुलबारीमा ठोक्कियो बालुवा बोकेको वाहन र मालवाहक वाहन

राजगञ्ज : फुलबारीको बटालियन मोड इलाकामा एउटा बालुवा बोकेको लरी र एउटा मालवाहक वाहन आपस्तमा ठोक्किँदा चालकहरू भाग्यले बाँचे। स्थानीय सूत्रले दिएको जानकारीअनुसार एउटा मालवाहक वाहन सिलगढीबाट जलपाईगढीतर्फ गइरहेको समय फुलबारीको बटालियन मोड इलाकामा एउटा बालुवा बोकेको लरीसित ठोक्कियो। स्थानीय मानिसहरूको सहयोगमा मालवाहक वाहनको चालकलाई सकुशल उद्धार गरियो। घटनाको खबर पाएर एनजेपी थाना पुलिस घटनास्थलमा पुगेर दुवै वाहनलाई आफ्नो नियन्त्रणमा लिएको बताइएको छ।