फुलबारी युवा तृणमूलद्वारा कोरोना संक्रमित परिवारहरूलाई खाद्य सामग्री प्रदान

राजगञ्ज : फुलबारी युवा तृणमूल कङ्ग्रेसको तर्फबाट आज कोरोना संक्रमित 3 परिवारलाई एक महिनाको लागि खाद्य सामग्री प्रदान गरियो। प्राप्त जानकारी अनुसार राजगञ्ज ब्लकको फुलबारी 2 नम्बर ग्राम पञ्चायतको राजीब नगर इलाकाका तीनजना कोरोना संक्रमित भएका छन्। आज फुलबारी युवा तृणमूल कङ्ग्रेसको तर्फबाट एवम् डाबग्राम फुलबारी ब्लक प्रेसिडेन्ट देवाशीष प्रामाणिकको सहयोगमा तिनीहरूलाई 1 महिनाको खाद्य सामग्री प्रदान गरियो। यस अवसरमा फुलबारी युवा तृणमूल कङ्ग्रेसका उपाध्यक्ष आलतार हुसेनले बताएअनुसार गत 4 दिन अघि राजीव नगर इलाकाका 3 जना कोरोना संक्रमित भएका थिए। हिजो उक्त इलाकामा सेनिटाइज पनि गरियो भने आज कोरोना संक्रमित परिवारहरूलाई एक महिनाको लागि चामल, दाल, तेल लगायत अन्य खाद्य सामग्रीहरू प्रदान गरिएको तिनले बताए।