घर फर्किरहेको समय बाटोमा मर्मान्तिक दुर्घटना, बाँसले छात्तीमा घोच्दा युवकको मृत्यु

फाँसीदेवा: बाइकमा सवार भएर घर फर्किरहेको समय बाटोमा बाँसले छात्तीमा घोच्दा एकजना युवकको मृत्यु भएको छ। मृतक युवक फाँसीदेवा ब्लकको चटहाट अञ्चल अन्तर्गत कुचियामोड निवासी मोहम्मद सादिकको रूपमा चिन्हित गरिएको छ। प्राप्त जानकारी अनुसार मोहम्मद काम सकेर बाइकमा सवार भएर घर फर्किरहेको समय बाटोमा बाँसले घोचेर छात्तीमा पस्यो। यसपछि स्थानीय मानिसहरूले रक्ताम्मे अवस्थामा तिनलाई उद्धार गरेर फाँसीदेवा ग्रामीण अस्पतालमा लगे तापनि युवकको मृत्यु भएको बताइएको छ। घटनाको खबर पाएर फाँसीदेवा थाना पुलिस घटनास्थलम पुगेर शव उद्धार गरेर पोस्टमार्टमको लागि उत्तरबंग मेडिकल कलेज एवम् अस्पतालम पठाउनको साथै घटनाको जाँच शुरू गरेको छ।