खरसाङ (निसं) : खरसाङ खण्ड अन्तर्गत घैयाबारीमा डा. भीमराव अम्बेडकरको 132 औं जन्म जयन्ती पालन गरियो। अखिल भारतीय नेपाली अनुसूचित जाति संघ घैयाबारी शाखाको आयोजनामा अम्बेडकर जयन्ती साथै पहिलो वैशाख पालन गरियो। एको छ। प्रसाद शंकरको अध्यक्षतामा सम्पन्न कार्यक्रममा नेपाली अनुसूचित जाति घैयाबारी शाखाका सभापति मणिकुमार खाती, सचिव रुपेस गदाल लगायत अन्य सदस्यहरुको उपस्थिति रहेको थियो।
कार्यक्रममा स्वागत सम्भाषण सचिव रुपेश गदालले गरेका थिए भने उप सभापति राजेन लोहारले डा. भीमराव अम्बेडकर र पहिलो वैशाख विषयमा वक्तव्य राखे। यसरी नै कार्यक्रममा नृत्य, कविता वचन, गीत गायन आदि कार्यक्रमहरू प्रस्तुत गरिएको थियो। यस कार्यक्रममा घैयाबारीको संजोक खातीलाई अनुसूचित जाति विषयमाथि पुस्तक प्रकाशित गरेकोमा संजोक खातीलाई अखिल भारतीय नेपाली अनुसूचित जाति संघ घैयाबारी शाखाको तर्फबाट संवर्द्धना जनाइयो।