गोदामबाट बिस्कुट चोरी गरेको आरोपमा 3 जना पक्राउ

सिलगढी, 20 अगस्त (निसं): एनजेपी थाना पुलिसले बिस्कुट गोदामबाट धेरै कार्टून बिस्कुट चोरी गरेको आरोपमा तीन जना व्यक्तिलाई पक्राउ गरेको छ। पक्रा पर्नेहरूमा मुन्ना मजूमदार, एमडी सरताज र विभीषण पासवान सामेल छन्।
प्राप्त जानकारी अनुसार आइतबार राति एनजेपी इलाकाको एउटा बिस्कुट गोदामबाट धेरै कार्टन बिस्कुट चोरी भएको थियो। यसपछि यस घटनाबारे सोमवार बिहान थानामा अभियोग दर्ता गरेको थियो। अभियोगको आधारमा जाँचमा जुटेको एनजेपी थाना पुलिसले तीन जनालाई पक्राउ गऱ्यो। तिनीहरूलाई सोधखोज गरेपछि एनजेपी संलग्न इलाकाको एउटा सुनसान क्वार्टरबाट चोरी गरेको बिस्कुटको कार्टून पुलिसले उद्धार गरेको छ। आज आरोपीहरूलाई जलपाईगढी अदालतमा पेश गऱ्यो। पुलिसले सम्पूर्ण मामिलाको जाँच गरिरहेको छ।