खरसाङ : बिमलपन्थी गोजमुमो खरसाङ नगरपालिका अन्तर्गत वार्ड नम्बर 12-मा कमिटी गठन गरिएको छ। उक्त कमिटी गठनको लागि आज बिमलपन्थी गोजमुमो खरसाङ टाउन कमिटिको पदाधिकारीहरू उपस्थित भएर खरसाङ नगरपालिकाको वार्ड नम्बर 12-मा सम्पन्न भयो। उक्त सभा बिमलपन्थी नारी मोर्चा खरसाङ टाउन कमिटीको सचिव शोभा छेत्रीको अध्यक्षतामा सम्पन्न भयो। सभामा खरसाङ टाउन कमिटीका सभापति सोनाम लामा र सचिव विकास तिरूवा पनि विशेष रूपमा उपस्थित थिए।
यसै सभामा बिमलपन्थी गोजमुमो नारी मोर्चाको वार्ड स्तरीय कमिटी वार्ड नम्बर 12-मा गठन गरियो। उक्त कमिटीमा सभापति निरू प्रधान, उप सभापति दामनि प्रधान र पारु सुन्दास, सचिव यसोदा सेवा, सह सचिव सेरिल तिरुवा, मुख्य सल्लाहकार कुमारी प्रधान, कोषाध्यक्षा उपासना तिरुवा लगायत 10 जनाको कार्यकारी सदस्याहरू चयन गरियो। सभापछि पत्रकारहरूसित कुराकानी गर्दै नारी मोर्चा खरसाङ टाउन कमिटिका सचिव शोभा छेत्रीले हामीले आज वार्ड नम्बर 12-मा कमिटी गठन गरेको र आफूहरू अध्यक्ष बिमल गुरुङलाई स्वागत गर्न तयार रहेको बताइन्।