रिम्बिक: गोर्खा जनमुक्ति मोर्चा बिमल खेमा रिम्बिक शाखाको एउटा महत्त्वपूर्ण सभा आज सम्पन्न भयो। उक्त सभामा विशेष विनय खेमा महकुमा समिति सदस्य कला भाजु अनि गुम्बा डाँडा नारी प्रतिनिधि निर्मला दाहालले अनित विनयको खेमालाई त्यागेर बिमल खेमामा सामेल भएका छन्। अनित विनयको नयाँ सोँच नयाँ विचारको राजनैतिकमा कुनै सकारात्मकता नरहेकोले गर्दा नै आफूहरूले उक्त पार्टी छोडेर बिमल खेमालाई समर्थन जनाएको तिनीहरूले बताए।
रिम्बिक प्रशाखाको संयोजिका पुनम प्रधान अनि गुम्बा डाँडा प्रशाखाको संयोजिका शुरेखा प्रधानले दलीय झण्डा प्रदान गरी तिनीहरूलाई आफ्नो पार्टीमा स्वागत जनाए। आजको सभामा महकुमा सदस्य भक्त खड्का, रन्जन सोताङ, समष्टि सदस्य भिमराज लिम्बू, पुण्य प्रसाद शर्मा, दिनेश छेत्री, शाखा प्रतिनिहरू मोहन लिम्बू, टिनु पेडिवल, गगन गुरुङ, उदय मणि प्रधान आदि उपस्थित थिए। आजको सभामा पदम काफ्लेलाई रिम्बिक शाखा संयोजकको टोलीमा सामेल गराइयो।