गोजमुमो प्रतिनिधि टोलीको जीटीए मुख्य सचिवसित भेट

दार्जिलिङ : गोर्खा जनमुक्ति मोर्चाको एउटा प्रतिनिधि टोलीले जीटीएका मुख्य सचिवलाई आज भेट गरेर जीटीएको शिक्षा विभागद्वारा 2020 मा भोलेन्टियर टिचर्सहरूको शंकास्पद गरिएको भेरिफिसेकन प्रक्रियाको जाँच गर्न पदक्षेप लिइनुपर्ने आग्रह गरेको छ। यसको साथै ग्रामी क्षेत्रहरूमा स्वास्थ्य केन्द्र एवम् ब्लक लेभलका अस्पतालहरूमा स्वास्थ्य सेवाको निम्ति आवश्यक उपकरणहरू उपलब्ध गराउनुपर्ने अनि पूर्वाधारहरूको निर्माण गर्नको लागि पहल गरिदिने अनुरोध गरेको छ। त्यसै गरी प्रतिनिधि टोलीले ग्रामीण क्षेत्रहरूमा अर्किट अनि अन्य खेतीहरू अर्किट अनि अन्य फुलको खेतीलाई प्रोत्साहन दिनको लागि कृषकहरूलाई वित्तीय सहयोग प्रदान गर्नुपर्ने तथा फुल खेतीमा पनि एमएनआरईजीएसको माध्यमबाट काम गर्न सक्ने प्रावधान गरिनुपर्ने अनुरोध गरेको छ। गोजमुमो टोलीको उक्त कुरा सुनेपछि मुख्य सचिवले यी विषयहरूमाथि आवश्यक कदम उठाउने आश्वासन दिएको कुरा पार्टी सूत्रले जनाएको छ। प्रतिनिधि टोलीमा केन्द्रीय सहसचिव प्रियवर्धन राई, नारी मोर्चा केन्द्रीय सभानेत्री उर्मिला रूम्बा, दार्जिलिङ महकुमा अध्यक्ष पीटी ओला लगायत अन्य उपस्थित थिए।