गोजमुमो र बिमल गुरूङमाथि विश्वास गरेर समर्थन जनाउनेहरूको बढ्दैछ सङ्ख्या

खरसाङ : भाजपाको उदासीन नीति अनि मुद्दाप्रतिको मौन धारण, गोरामुमोको बिखण्डन अनि भर्खरै नयाँ जन्मिएको प्रजातान्त्रिक मोर्चाको नयाँ बोतलमा पुरानै मदिरा देखेपछि अहिले पहाडको जनताको एउटा ठूलो हिस्साको भरोसा र बिश्वास गोर्खा जनमुक्ति मोर्चाप्रति नै बढेर गएको देखिन्छ। गत केही दिन अघिदेखि गोजमुमो अध्यक्ष बिमल गुरुङ लगायत पार्टीका केही शीर्ष नेतृवहरू खरसाङमा डेरा हालेर बसेका छन्। यस अवधि बिमल गुरूङले यहाँको सोनादा, मङ्पु, अम्बटे, बेलटार, महानदी, तिनधारे, सिवीटार, नरबुङ, घैयाबारी, बालासन आदि जस्ता ठाउँहरुको भ्रमण गरिसकेको छन्। तिनको यही भ्रमण अवधि ती क्षेत्रहरुबाट अन्य दलहरु त्यागेर गोर्खा जनमुक्ति मोर्चामा आउनेहरूको भीड बढ्न थालेको देखिन्छ। बिमल गुरूङ जहाँ-जहाँ जाँदैछन् ती ठाउँहरूबाट अन्य पार्टी त्यागेर केही मानिसहरूले गोजमुमोलाई समर्थन जनाइरहेका छन्।