खरसाङ : गोर्खा जनमुक्ति युवा मोर्चा खरसाङ टाउन कमिटिको सभा आज खरसाङमा सम्पन्न भयो। यसपछि एउटा पत्रकार सम्मेलनको आयोजना गरेर युवा मोर्चाका खरसाङ टाउन कमिटिको सभापति सन्दीप प्रधानले सभामा गरिएको चर्चा परिचर्चाबारे पूर्ण जानकारी गराए। आजको सभाअनुसार युवा मोर्चाले खरसाङमा युवाहरूलाई लिएर विभिन्न प्रतियोगितामूलक कार्यक्रमहरू आयोजना गर्ने भएको छ। हाल लकडाउनको समय युवाहरूलाई समयको सदुपयोग र मनोरञ्जनको लागि साथै युवाहरूको ट्यालेन्टेटलाई प्रोत्साहन गर्ने उद्देश्य लिएर विभिन्न कार्यक्रमहरू गर्ने भएको टाउन कमिटिका सभापति सन्दीप प्रधानले जानकारी गराए।
आगामी 2 अक्टोबरदेखि भर्चुअल म्याराथनबाट यसको शुरूआत गरिने अनि यसको लागि संयोजक धाविका प्रीति राईलाई चयन गरिएको छ। त्यसरी नै गायन प्रतियोगिताको लागि संयोजक रुपेस रसाईली, नृत्यको लागि संयोजक अर्पिता दास गुप्ता, कविता प्रतियोगिताको लागि संयोजक कवि बालकृष्ण थामी, साईक्लिङको लागि मनिष र फुटबलको लागि बसन्त लेप्चालाई संयोजक चयन गरिएको छ भने सम्पूर्ण कार्यक्रमहरूको लागि रूधीर गुरुङ संयोजक रहने र यसको आयोजना युवा मोर्चाका खरसाङ टाउन कमिटीले गर्ने पनि सन्दीप प्रधानले जनाएका छन्।