गोरामुमो मिरिक समष्टि अध्यक्ष एमके तामाङको अध्यक्ष पदबाट राजीनामा

मिरिक: अस्सीको दशकदेखि नै पार्टीलाई महत्वपूर्ण योगदान पुऱ्याउँदै आइरहेका गोरामुमो मिरिक समष्टि अध्यक्ष एमके तामाङले अध्यक्ष पदबाट राजीनामा दिएपछि केही दिन भित्रमा आफ्नो निर्णय सर्वाजनिक गर्ने भएका छन्। आज मिरिकमा पत्रकारहरुसित कुराकानी गर्दै आफुले लिखित रूपमा नै राजीनामा दिइसकेको तर केन्द्रिय समितिले राजीनामा स्वीकार गर्यो अथवा नगरेकोबारे अहिलेसम्म स्पष्ट सूचना नपाएको एमके तामाङले बताए। राजीनामा दिनु पछि कतिपय आफ्नो वाध्यता एवं मनमुटाउ प्रमुख कारण रहेको बताउँदै आफ्नो निर्णय चाँडै सार्वजनिक गर्ने तिनले बताए। तिनले गत 22 सेप्टेम्बरमा नै आफ्नो राजीनामा पत्र पार्टीको केन्द्रिय समितिलाई पठाइसकेको तथा आफ्ना सम्पूर्ण शुभचिन्तकहरुको सुझाउ अनुसार नै यस प्रकारको निर्णय लिइएको बताएका छन्।