दार्जिलिङ: गोरामुमो रंगबुल धोतरिया रम्बुक समष्टि अन्तर्गत रिङटाङ चियाबारीमा ब्राञ्च अध्यक्ष अजय एड्वर्डले भ्रमण गरे।
यस अवधि रिङटाङ चियाबारी शाखाका प्रतिनिधिहरुसँग तिनले सांगठनिक विषय लिएर बैठक गरेर विभिन्न विषयमा छलफल गरे। पार्टीको शाख-प्रशाखाहरुलाई बिस्तार गर्ने अनि सांगठनिक गतिविधि अझ तीब्र पार्ने निर्देश दिँदै यस क्षेत्रमा के-कस्तो सहयोग गर्नपर्छ आफ्नो क्षमता अनुसार सहयोग पुर्यायउने अजय एडवर्डले वचन दिए।
यसैक्रममा बिगत केही महिनादेखि स्थानीय निवासी रबी तामाङ नशा सम्बन्धित रोगले पीडित रहेकोले यस अवधि तिनले आर्थिक सहयोग प्रदान गरे। यसको साथै बिमारीलाई सहयोग गरिदिने सबै संघ-संस्थान अनि जीटीए अध्यक्ष अनित थापालाई पनि तिनले अपिल गरेका छन्। यस भ्रमण अवधि रिङ्टाङ गोरामुमो शाखाका भिलेज चीफ बुद्ध सिङ तामाङ, शाखाका प्रतिनिधिहरु, गोरामुमो खरसाङ ब्राञ्च उपाध्यक्ष सुरेन तामाङ, प्रचार-प्रसार सचिव भुपेन गुरुङ, गोरामुमो सोनादा टाउन कमिटी अध्यक्ष रुस्तम छेत्री, सोनादा टुङ समष्टि युवा एकाई सभापति वाङ्दी शेर्पा आदि प्रमुख रूपमा उपस्थित थिए।