गोर्खा जनपुस्तकालय खरसाङको 110औँ स्थापना दिवस पालन

खरसाङ : भारतीय गोर्खाहरुको जेष्ठ संस्था गोर्खा जन पुस्तकालय खरसाङको 110औँ स्थापना दिवस पुस्ताकालय भवनको पारसमणि प्रेक्षागृहमा पुस्तकालयका वर्तमान अध्यक्ष पूर्ण गुरुङ ‘निरुपण‘को अध्यक्षतामा सम्पन्न भयो। कार्यक्रममा प्रमुख अतिथिका रुपमा पुस्तकालयका पूर्व सभापति एवम् सचिव तिलक शर्मा थिए भने विशिष्ट अतिथिको रूपमा पुस्तकालयका पूर्व अध्यक्ष रबीन कुमार प्रधान र पुस्तकालयका आजीवन सदस्य डा. नगेन्द्र प्रधान थिए। कार्यक्रमको आरम्भमा पुस्तकालयका दिंवगत संस्थापक सदस्यहरू लगायत अन्यहरू बितेर गएका सदस्यहरुको स्मरणमा एक मिनटको मौन प्रार्थनासोंगै 108 वटा बत्तीहरू बालेर श्रद्धाञ्जलि अर्पण गरियो।