गोर्खे समान्देन क्षेत्रमा जीटीएको पहलमा विद्युतीकरणको उद्घाटन

blank

दार्जिलिङ : दार्जिलिङ गोर्खाल्याण्ड क्षेत्रीय प्रशासन अन्तर्गत पर्ने रिम्बिक लोधोमा समष्टि अधीनस्थ पर्ने सुदूरवर्ती क्षेत्र गोर्खे समान्देन क्षेत्रमा देश स्वतन्त्र भएको 73 वर्षपछि बल्ल गोर्खाल्याण्ड क्षेत्रीय प्रशासनद्वारा यस समय विद्युतीकरण गरिएको छ। विश्व प्रसिद्ध पर्यटक स्थल तथा ट्र्याकिङको निम्ति चर्चित रहेको गोर्खे समान्देनमा आजदेखि विद्युत परिसेवा शुरू गरिएको छ। यसैले आजको दिन उक्त क्षेत्रका मानिसहरूको निम्ति एउटा ऐतिहासिक दिन रहेको छ। उक्त क्षेत्रको विद्युतीकरणको शुरूवात आज एउटा रङ्गारङग कार्यक्रमबीच जीटीए महासचिव सुरेन्द्र गुप्ता, सचिव पीडी प्रधान, बिमल प्रधान लगायत जीटीएका शीर्ष अधिकारीहरूको उपस्थितिमा गरियो। गोजमुमो रिम्बिक लोधोमा समष्टि सभापति नोर्दन शेर्पाको विशेष पहलमा उक्त क्षेत्रमा विद्युतीकरण भएकोमा क्षेत्रवासीले तिनी साथै जीटीएप्रति कृतज्ञता प्रकट गरेका छन्। उक्त विद्युतीकरण कार्य एक करोड सत्तर लाख रुपियाँको लागतमा लगभग 2 वर्षको अवधिमा निर्माण कार्य गरिएको कमल एण्ड कम्पनीका एजेन्सीका कमल राईले बताए।


जवाफ लेख्नुहोस्

तपाईंको ईमेल ठेगाना प्रकाशित हुने छैन ।

This site is protected by reCAPTCHA and the Google Privacy Policy and Terms of Service apply.