गोरामुमो युवा एकाईद्वारा मङपुमा पार्टीको झण्डा लगाउने कार्य

मङपु : गोरामुमो मङपु युवा एकाईद्वारा आज मङपुको विभिन्न ठाँउमा पार्टीको हरियो झण्डा लगाउने कार्य गरियो। आगामी 31 जनवारीको दिन गोरामुमोको संस्थापक अध्यक्ष सुबास घिसिङको पुन्यतिथि पालन गर्दै दार्जिलिङमा जनसभा गर्ने भएको छ। यसैले उक्त जनसभामा सम्पूर्ण मङपुवासीलाई स्वागत जनाउँदै आज गोरामुमो युवा एकाईले मङपुको विभिन्न ठाउँमा पार्टीको झण्डा लगाएको गोरामुमो मङपुका युवा नेता प्रवेश राईले जानकारी दिएका छन्।