जीटीए चिफ् अनित थापाद्वारा जंगपाना चियाबगानमा मेफेयर रिसोर्टको उद्घाटन

खरसाङ (निसं) : गोर्खाल्याण्ड क्षेत्रीय प्रशासनका प्रमुख कार्यपाल अनित थापाले जंगपाना चिया कमानमा निर्मित मेफेयर रिसोर्टको विधिवत उद्घाटन गरे।तिनले मेफेयर रिसोर्ट क्षेत्रको निम्ति नै फाइदाजनक हुने बताए। आफ्नो फेसबुक पेजमार्फत् तिनले भनेका छन् कि जंगपाना जस्तो दुर्गम स्थानमा मेफेयर रिसोर्ट सञ्चालन हुन्छ भनेर कल्पना पनि गर्नु सक्ने विषय थिएन। तर दूरगामी सोचको कारण आज एउटा प्रसिद्ध रिसोर्ट सञ्चालन हुँदैछ। रिसोर्टको सञ्चालनले क्षेत्रको आर्थिक विकास त अवश्य नै हुनेछ। अझ थप, क्षेत्रमा पर्यटकहरू पनि आउने सम्भावना बढेर गएको छ। खरसाङ क्षेत्रको चौतर्फी विकास हुनुमा रेसोर्टको ठुलो महत्व रहेको बताउँदै तिनले खरसाङ वरिपरि स्थापना गरिएको यो दोस्रो रिसोर्ट रहेको बताए। यस्ता सेवाहरूले क्षेत्रलाई नै आर्थिक प्रगतिमा सहयोग पुर्याउनेछ। रोजगारको मौका पाउनेछन् हाम्रै भाई बहिनीहरूले। चालकहरूको कमाई पनि बढ्नेछ। स्थानीय कृषकहरूले उत्पादन गर्ने जैविक वस्तुहरूले उचित मोल पाउनेछन्। तर सबैभन्दा महत्व खरसाङ विस्तारै विश्वको पर्यटकीय मानचित्रमा देखा पर्नेछ। रिसोर्ट देखाउने वस्तु हो भने चिया बगानको मनोरम दृश्य, यहाँको कमाने जीवन, जैविक खेतीपाती पर्यटकहरूको निम्ति चासोको विषय अवश्य रहनेछन्। खरसाङ क्षेत्रले विस्तारै प्रगतिको मार्गमा हिड्नु थालेको छ। एक दिन खरसाङ पनि दगुर्ने हुनेछ। पलायन भएर शहर जाने भाइहरूले यसै रिसोर्टमा नौकरी पाएका छन्।


Leave a Reply

Your email address will not be published. Required fields are marked *