सिलगढी : सिलगढीको उत्तरकन्या संलग्न हल्दियाको ग्यास सिलेन्डर कारखाना बन्द हुने सम्भावना देखिएको छ। उक्त कारखानाका कर्मचारीहरूले लगातार यसको विरोधमा विक्षोभ प्रदर्शन गर्दै आइरहेका छन्। लगभग 30 वर्ष पुरानो उक्त कारखानामा दुई सयभन्दा अधिक स्थायी र अस्थायी कर्मचारीहरूले काम गर्दै आइरहेका छन्। यसभन्दा अघि पनि मालिक पक्षले धेरैपल्ट उक्त कारखाना बन्द गर्नेबारे नोटिस टाँसेको थियो भने यसपल्ट फेरि कारखाना बन्द गर्नेबारे एउटा नोटिस टाँसिएको बताइएको छ।
ग्यास सिलेन्डरको माग कम्ती रहेकोले गर्दा मालिक कर्तृपक्षलाई धेरै नोक्सान भइरहेकोले गर्दा नै उक्त कारखाना बन्द गर्ने निर्णय लिएको छ। अर्कोतिर, उक्त कारखाना बन्द भए लगभग दुई सयभन्दा अधिक कर्मचारीहरू बेरोजगार हुनेछन्। यसैले आज उक्त कारखानाका कर्मचारीहरूले कारखाना परिसरमा विक्षोभ प्रदर्शन गर्नको साथै श्रमिक नेताहरूले कारखाना बन्द नगर्ने माग गरेका छन्।