तकदाह: धेरै दिनदेखि जब कार्ड धारकहरूले भोग्न परिरहेको विविध समस्यालाई लिएर हाम्रो पार्टी-को तकलिङ-पेशोक समष्टि अनि तकदाह ग्लेनवर्ण समष्टिका कार्यकर्ताहरूले आज रंगली रंगलीयट, तकदाह खण्ड विकास अधिकारीसँग सौहार्द्र भेटघाट गर्यो। भेटवार्ता पछि हाम्रो पार्टीका कार्यकर्ता के के राईले गत धेरै दिन अघिदेखि जब कार्ड धारकहरूले भोग्न परिरहेको समस्यालाई लिएर आज खण्ड विकास अधिकारीसँग भेटवार्ता गरेको बताए। उक्त भेट अवधि जब कार्ड धारकहरूले भोग्दै आइरहेको समस्याहरूबारे बीडीओ-सित चर्चा गर्दा तिनले हाल जब कार्ड धारकहरूको संख्या अचानक बढेको हुनाले यस विषयमा विभागले छानबिन कार्यहरू चलाउँदै आइरहेकोले गर्दा जबकार्ड धारकहरूलाई समस्या हुन पुगेको हो भन्ने जानकारी गराएको तिनले बताए।
सरकारले बेरोजगारहरूलाई रोजगार स्वरूप सय दिने रोजगार योजना लागू गरेर आर्थिक सहयोग पुऱ्याउँदै आइरहेको भए तापनि हाल जब कार्ड धारकहरूले रूपियाँ नपाएको तिनले बताए। तिनले अझ भने, यो छानबीन कार्य धेरै अघि नै हुन पर्ने थियो तर ढिलो आयो। तथापि, असली जब कार्ड धारकहरूको कार्ड हराउने छैन भन्दै तिनले सबै मानिसहरूलाई यस विषयमा विचलित नहुने अपिल गरेका छन्।