दार्जिलिङ (निसं): ख्रीष्ट धर्मावलम्बीहरूका महान पर्व क्रिसमस अथवा बड़ा दिनको पर्व समस्त परिवारसित हर्षोल्लासको साथमा मनाई विगत केही अघिदेखि अस्वस्थ रुपमा रहेका जोन बोनिफेस एडवर्ड्स अर्थात् हाम्रो पार्टी अध्यक्ष अजय एडवर्ड्सका पिताको आज मंगलबार बिहान 3:50 बजे देहान्त भयो। उहाँको निधनले अजय एडवर्ड्स अनि उनको परिवारलाई शोकाकूल बनाएको छ भने हाम्रो पार्टी परिवार पनि शोकित बनेको छ।
उहाँको चीर आत्माले शान्ती पाउन् भनी आज दार्जिलिङस्थित केन्द्रीय पार्टी कार्यालय पी कोठीमा पार्टी महासचिव फुर्तेम्बा भोटियाको नेतृत्वमा सबै केन्द्रीय सदस्य लगायत पार्टी सदस्यहरुले परिवारको मनोबल बढाउन सम्वेदना प्रकट गर्नका साथै प्रार्थना गर्दै स्वर्गीय जोन बोनिफेस एडवर्ड्सको फोटोमा खदा अर्पण गरेर क्याण्डल जलाएर तिनलाई श्रद्धाञ्जलि अर्पण गरे।