हाम्रो पार्टी-को दार्जिलिङ महकुमा समिति गठन

दार्जिलिङ: हाम्रो पार्टीको दार्जिलिङ महकुमा समिति गठन गरियो। दार्जिलिङको एउटा हलमा हाम्रो पार्टीको एउटा महत्त्वपूर्ण सभा सम्पन्न भयो। उक्त सभामा पार्टीका केन्द्रीय अध्यक्ष अजय एडवाडर्स, केन्द्रीय महासचिव फुर्तेम्बा भुटिया, केन्द्रीय सांगठनिक सचिव विक्रमादि राई लगायत केन्द्रीय नेतृत्वहरू उपस्थित थिए। उक्त सभामा दार्जिलिङ महकुमा समिति अन्तर्गत विभिन्न चियाबगान, सिन्कोना बगान,शहर बजार, गाउँ-बस्ती आदि क्षेत्रहरूको विविध समस्याहरूमाथि नजर राख्न अनि जनताको सेवा कार्यहरूको निम्ति हाम्रो पार्टीले दार्जिलिङ महकुमा समिति गठन गर्ने निर्णय लिएको हो। सभामा सर्वसमतिले महकुमा समिति अध्यक्षको पदमा पूरण तामाङ, उपाध्यक्ष अलतमस फाजिल, सचिव जितेन राई, सहसचिव रेशमा गुरूङ, कोषाध्यक्ष रजत प्रधान र साङगे भोटिया, प्रचार प्रसार सचिव गोपाल परियार र राहुल गुरूङ चयन गरियो। यसैगरी, कार्यकारिणी सदस्यहरूमा रिम्बिक लोधोमा समष्टिबाट बुद्ध लोक्सम, कैजले रेलिङ समष्टिबाट अनित सुब्बा, पूल बिजनबारी गोक समष्टिबाट मोहन सिंह सुब्बा र राजेन सुब्बा, ब्लूम फिल्ड ऋषिहाट समष्टिबाट टिकाराम राई, राहुल छेत्री, सिंहमारी तकभर समष्टिबाट सनम तामाङ, नृत्यम राई, डेन्जोङ तामाङ, पासाङ दोर्जे लामा,  फुसकेरिङ पान्दाम समष्टिबाट रूपेश गुरूङ र सुदीप शंखर, सदर वान समष्टिबाट आदार्श घिसिङ र नवीन राई, सदर टु समष्टिबाट क्रिस्टोफर लेप्चा, ध्रुव मुखिया र फिन्जो वाङगेल गुरूङ, सदर थ्री समष्टिबाट रूवी ताङगेन, सदर फोर समष्टिबाट राम प्रधान, विकाश प्रधान, किरण प्रधान, घूम जोरबङ्ग्लो समष्टिबाट सुरज तामाङ, चुङथुङ मेरीबुङ समष्टिबाट सत्यम घले र विशाल दर्नाल, सुकिया मानेभन्ज्याङ समष्टिबाट दीपेन राई र गोविन्द राई आदिलाई चयन गरेको छ। नव निर्वाचित नेतृत्वहरूलाई पार्टी अध्यक्ष अजय एडवाडर्सले बधाई अनि शुभकामना दिए।