हाँसीमारामा व्यवसायीको घरमा लाखौँ रुपियाँको चोरी

हाँसीमारा :  कालचिनी ब्लकको हाँसीमारा चौपथी इलाकामा एकजना व्यवसायीको घरमा लाखौँ रुपियाँको चोरी भएको घटना प्रकाशमा आएको छ। प्राप्त जानकारीअनुसार हाँसीमारा इलाका निवासी व्यवसायी विकास अग्रवाल आफ्ना परिवारको साथमा गत राति आफन्ताको बिहेमा गएका थिए। यसपछि आज बिहान तिनीहरू घरमा आइपुगेपछि घरमा चोरी भएको थाहा पाए। घरमा कोही नभएको फाइदा उठाएर चोरहरूले सुनको बहुमूल्य गर-गहना लगायत लगभग 15 लाख रुपियाँ चोरी गरेको बताइएको छ। घटनाबारे हाँसीमारा आउटपोस्ट पुलिसलाई खबर दिएपछि पुलिस घटनास्थलमा पुगेर छानबीन गर्नको साथै जाँच शुरू गरेको पुलिस सूत्रले जनाएको छ।