हात्तीको आक्रमणमा एकजना व्याक्तिको मृत्यु

आलिपुरद्वार, 8 नोभेम्बर: जङ्गली हात्तीको आक्रमणमा एकजना व्याक्तिको मृत्यु भएको छ। यो घटना आलिपुरद्वार जिल्लाको फालाकाटा थाना अन्तर्गत दलमणि क्षेत्रमा घटेको हो।
जानकारी अनुसार, बिहीबार साँझदेखि नाजिर हेब्रम नामक 52 वर्षीय व्याक्ति हराएका थिए। त्यसपछि शुक्रबार उनको शव सडकको छेउमा भेटियो। उक्त घटना पछि इलाकामा सनसनी फैलिएको छ। घटनाको खबर पाउने बित्तिकै वीरपाडा पुलिस र दलगाँउ रेञ्जका कर्मचारीहरू घटनास्थलमा आइपुगे। त्यसपछि मृतकको शवलाई उद्धार गरेपछि पोस्टमर्टमको लागि अस्पतालमा पठाइएको छ। उक्त घटनाको जाँच वन विभाग र पुलिसले गरिरहेको छ।