हात्तीको हमलामा एकजनाको मृत्यु

नक्सलबारी: बाघडुग्रा वन क्षेत्रको लोहासिंह जोतमा आज बिहान हात्तीको हमलामा एकजना व्यक्तिको मृत्यु भएको छ। प्राप्त जानकारी अनुसार आज बिहान लोहासिंह जोतमा हात्तीको हमलामा एकजना व्यक्तिको मृत्यु भएको खबर पाउन साथ वन विभागका कर्मीहरू घटना स्थलमा आइपुगेर शवलाई उद्धार गरे। हात्तीको हमलामा मर्ने व्यक्ति लोहासिंह जोत निवासी 50 वर्षीय ला ते असुरको रूपमा वन विभागले चिन्हित गरेको छ। अर्कोतिर, स्थानीय मानिसहरूले बताए अनुसार जंगलसित जोडिएको मेरी भ्यु चिया कमानबाट प्रत्येक दिन हात्ती गाउँमा पस्ने गर्दछ अनि हातीघिस्सा सहित विभिन्न क्षेत्रमा उत्पात मच्चाउनको साथै फसल तथा घरहरूलाई नष्ट गरिरहेको छ। यसको साथै हात्तीको हमलामा केही मानिसहरूले प्राण समेत गुमाइरहेका छन्।