हात्तीले घर तोड़फोड, पीडित परिवारलाई क्षतिपूर्तिको आश्वासन दिए तृणमूल नेता एलबी राईले

मिरिक :  पानीघट्टा गिरमिट लाइनको 5 नम्बर निवासी फेलमोन बेकको घर हिजो जङ्गली हात्तीले ताण्डव मच्चाएर क्षतिग्रस्त बनाई दिएको छ। हिल तृणमूल कांग्रेस अध्यक्ष एलबी राईले आज स्थलगत भ्रमण गरेर पीडित परिवारलाई यथासम्भव सहयोग पुर्‍याउने वचन दिएका छन्। यसको साथै खण्ड विकास अधिकारीसित स्वयम् भेटे गरेर यसबारे अवगत गराएर सहयोगको पहल गरिदिनेबारे भनिदिने तिनले वचन दिएका छन्। अध्यक्ष राईले पानीघट्टा गिरमिट लाइन अनि संलग्न क्षेत्रका बासिन्दा आदिवासीहरूको सहयोगको लागि पनि पहल गरिदिने वचन दिएका छन्। स्थानीय मानिसहरू राईको भ्रमणबाट हर्षित भएका छन्। हिल तृणमूल कांग्रेस अध्यक्ष एलबी राईले हात्तीद्वारा भत्काई दिएको घरको निरीक्षण गरेर पीडित फेलमोन बेकलाई घर निर्माण गरिदिने वचन दिएका छन्। यस भ्रमण अवधि अध्यक्ष राईसित तराई हिल तृणमूल युवा अध्यक्ष सन्नी शर्मा, शरण घतानी लगायत अन्य उपस्थित थिए।