हावडा-एनजेपी चल्ने बन्दे भारत एक्सप्रेसको शुक्रबार प्रधानमन्त्रीले भर्चुअल उद्घाटन गर्ने

सिलगढी : हावडा-एनजेपी बन्दे भारत एक्सप्रेसको भोलि उद्घाटन गरिने भएको छ भने प्रधानमन्त्री नरेन्द्र मोदीले यसको भर्चुअल उद्घाटन गर्ने भएका छन्।  सिलगढीको एनजेपी स्टेसन बाहिर भोलि इलईडी स्क्रिनमार्फत् उक्त बन्दे भारत एक्सप्रेसको उद्घाटन कार्यक्रम प्रसार गरिनेछ। बिहान 11 बजीदेखि कार्यक्रम शुरू हुने बताइएको छ। हावडामा गरिने बन्दे भारत एक्सप्रेसको उद्घाटन मुहूर्त यहाँ एलईडी स्क्रिनमा देखाइनेछ। यसको साथै एनजेपीमा नयाँ स्टेसनको भूमि पुजा पनि गरिनेछ भने उक्त पुजामा प्रधानमन्त्री नरेन्द्र मोदीको भर्चुअली उपस्थिति रहने रेलवे सूत्रमार्फत् थाहा लागेको छ। यस अवसरमा दार्जिलिङका सांसद राजु विष्ट, जलपाईगढीका सांसद जयन्त राय, भाजपाका विधायकहरू लगायत रेलवेका अधिकारी तथा कर्मचारीहरू उपस्थित रहनेछन्। राज्यमा प्रथमपल्ट बन्दे भारत एक्सप्रेस शुरू हुने भएको छ भने यो देशको सातौँ एक्सप्रेस हो जुन मेक इन इन्डिया रहेको छ। हाल बन्दे भारत एक्सप्रेसको लागि मालदा-एनजेपीमा नयाँ लाइन नभएकोले गर्दा ट्रेनको गति कम रहनेछ। यसैले गर्दा हावडाबाट उक्त ट्रेन एनजेपी आइपुग्दा लगभग 8 घण्टा लाग्नेछ। तर रेलवे ट्र्याकको सटीक निर्माणपछि यसको गति अझ तीव्र हुनको साथै यसभन्दा कम समयमा नै हावडादेखि उक्त ट्रेन एनजेपी आइपुग्नेछ। शुक्रबार बन्दे भारत एक्सप्रेसको उद्घाटन गरिनेछ। यसको निम्ति एनजेपी स्टेसनको प्रवेश द्वारमा एउटा मञ्च बनाइएको छ। हावडादेखि बन्दे भारत एक्सप्रेसमार्फत् जलपईगढीका विधायक डा. जयन्त राय पनि एनजेपी स्टेसन आइपुग्ने भएका छन्। बन्दे भारत एक्सप्रेसलाई स्वागत गर्नको लागि एनजेपी स्टेसनमा भाजपा कार्यकर्ताहरू उपस्थित रहनेछन्।