हेल्दी र्‍याबिट एप-को माध्यमद्वारा स्वास्थ्यसम्बन्धी समस्याहरूको समाधान हुने

सिलगढी : हेल्दी ‍र्‍याबिट नाम गरेको एप डाउनलोड गरेर घरमै बसेर अब स्वास्थ्य सम्बन्धी विभिन्न समस्याहरूको समाधान गर्न सकिनेछ। देशको विभिन्न ठाउँहरूमा पहिला नै उक्त एप्लिकेशनले प्रतिक्रिया पाइसकेको छ भने यसपल्ट आधिकारिक रूपमा सिलगढीमा पनि हेल्दी र्‍याबिटको उद्घाटन गरियो। सिलगढी जर्नलिस्ट्स क्लबमा आज एउटा पत्रकार सम्मेलनको आयोजना गरेर यसबारे जानकारी गराइयो। पत्रकार सम्मेलनमा डा. उज्ज्वल केजरीवाल, तरुण अग्रवाल, राजीव चिरानिया लगायत अन्य उपस्थित थिए। साधारण मानिसहरूले घरमै बसेर हेल्दी र्‍याबिट एप-को माध्यमद्वारा एम्बुलेन्स, स्वास्थ्य समस्याहरू लगायत चिकित्सा क्षेत्रमा विभिन्न समस्याहरूको समाधान गर्न सक्नेछन् भनी तिनीहरूले बताए। मानिसहरूले स्वास्थ्य सम्बन्धी विभिन्न तथ्यहरूसँगै उपचारमा हुने खर्चबारे घरमै बसेर सबै जानकारी लिन सक्नेछन्। तिनीहरूले विदेशमा पनि चाँडै उक्त एप्लिकेशन शुरू गर्ने योजना बनाइरहेको बताइएको छ।


Leave a Reply

Your email address will not be published. Required fields are marked *