कालचिनी : कालचिनी ब्लकको हेमिल्टनगञ्ज विवेक नगर इलाकामा झुन्डिएको अवस्थामा एकजना नाबालकको शव उद्धार भएको छ। मृतक नाबालक 17 वर्षीय बापी बर्मनको रूपमा चिन्हित गरिएको छ। प्राप्त जानकारीनुसार आज बिहान इलाकावासीहरूले झुन्डिएको अवस्थामा उक्त नाबालकको शव देखेपछि घटनाबारे पुलिसलाई जानकारी गराए। घटनाको खबर पाएर कालचिनी पुलिस घटनास्थलमा पुगेर शव उद्धार गरेर पोस्टमार्टमको लागि अलिपुरद्वार जिल्ला अस्पतालमा पठाउनको साथै घटनाको जाँच शुरू गरेको पुलिस सूत्रले जनाएको छ।