हाई कोर्टको निर्देश अनुसार सिलगढीको सरकारी जमिनमा बनेको अवैध निर्माण विरूद्ध नगर निगमको अभियान

सिलगढी (निसं): हाई कोर्टको निर्देश पछि सिलगढी नगर निगमले अन्तमा सिलगढीमा अवैध निर्माण कार्यलाई तोड्ने कार्य शुरू गरेको छ। आज बिहान नगर निगमका कर्मचारीहरूले 47 नम्बर वार्ड अन्तर्गत पाती कोलोनीमा सरकारी जमिनमा निर्माण गरिएको दुईतल्ले भवन भत्काउने काम शुरू गरेको छ।
स्मरण रहोस, गत केही महिना अघि नगर निगमका कर्मचारीहरू उक्त अवैध भवन भत्काउन घटनास्थलमा पुगेका थिए। तर उक्त अवैध निर्माण भत्काउनको लागि मानिसहरूले बाधा दिएपछि नगर निगमका कर्मचारीहरू रित्तै हात फर्किनु परेको थियो। यसपछि हाई कोर्टमा यसबारे मामिला चलेपछि अदालतको तर्फबाट अन्तमा उक्त अवैध निर्माणलाई हटाउने निर्देश जारी गरेको थियो। यसपछि नै हाइ कोर्टको निर्देश अनुसार आज विशाल पुलिस वाहिनीको उपस्थितिमा उक्त अवैध भवन भत्काउने कार्य शुरू गरेको छ।
अर्कोतिर, जंक्शन इलाकामा पनि सरकारी जमिनमा अवैध रूपले केही घर बनाएको छ। जसले गर्दा यहाँ वसोबासो गर्ने मानिसहरूले जमिनको पट्टाको मांग गरेका छन्।