होटलमा जुवा खेलिरहेका चारजना व्यक्ति पक्राउ

सिलगढी : भक्तिनगर थानाका आईसीको नेतृत्वमा गत राति गोप्य सूचनाको आधारमा सेभोक रोडस्थित सागर रेसिडेन्सी होटलमा अभियान चलाएर जुवा खेलिरहेका चारजना व्यक्तिलाई पक्राउ गरेको छ। पक्रा परेकाहरू सिलगढी निवासी बिरजु अग्रवाल, प्रमोद कुमार अग्रवाल, दीपक अग्रवाल र केशव अग्रवालको रूपमा सामेल छन्। भक्तिनगर थानाका आईसी अमरेश सिंहले दिएको जानकारी अनुसार तिनको टोली यसबारे गोप्य सूचना पाएपछि सेभोक रोडस्थित एउटा होटलमा अभियान चलाएर चारजना व्यक्तिलाई पक्राउ गरेको बताइएको छ। पुलिसले जुवाको अड्डाबाट 4 लाख 26 हजार नगद रुपियाँसहित तासको चारवटा प्याकेट उद्धार गरेको छ। पक्रा परेका चारजना व्यक्तिलाई आज जलपाईगढी अदालतमा पेश गरियो। भक्तिनगर थाना क्षेत्रमा अवैध गतिविधिमाथि रोक लगाउनको लागि लगातार अभियान चलाइने आईसी अमरेश सिंहले बताए।