सिलगढी: बाग्राकोट ग्राम पञ्चायत अन्तर्गत इलेनबारी चियाबारी नजिकैको टोटोगाउँको आज दार्जिलिङका सांसद राजु विष्टले भ्रमण गरे। टिस्टा नदीको छेउमा अवस्थित, टोटगाउँ, जुन जलपाईगुडी जिल्ला अन्तर्गत पर्दछ, विगत दशकहरूमा तिनीहरूको जमिन, कृषि क्षेत्र र घरहरू समेत नदीले कटाउ गरिदिएको थियो। गत साता मात्रै टिस्टा नदीमा पानीको जलस्तर बढेपछि 9 वटा घर डुबेको थियो। भ्रमण अवधि सांसद विष्टलाई गाउँलेहरूले बताए अनुसार गत आठ वर्षदेखि जिल्ला प्रशासन र विश्व बैंक सरकारलाई राहत र सहयोगका लागि अनुरोध गर्दा पनि हालसम्म बाढी न्यूनीकरणका लागि कुनै पहल नभएको वा गाउँलेहरूलाई पुनर्स्थापनाको लागि कुनै किसिमको सहयोग नपाएको साथै कोषको अभाव भएको बताए। यो पृथक घटना होइन। वर्षा, बाढी र नदीको बढ्दो पानीको कारण टिस्टा नदीको तल्लो किनारमा रहेका धेरै गाउँहरूले प्रत्येक वर्ष धेरै मात्रामा कटाउको सामना गर्छन्। वर्षायाममा पानीको बहाउ अत्याधिक रुपमा बढ्ने र जाडो याममा नदी प्राय: सुख्खा हुने भएकाले टिस्टा नदीमा बाँध निर्माण भएपछि अवस्था बिग्रिएको छ । यसले गर्दा यस क्षेत्रमा असन्तुलन निम्त्याएको छ। यसको साथै टिस्टा नदी किनारमा बसोवास गर्ने मानिसहरूले जोखिमहरूको सामना गर्न परिरहेको छ।
अर्कोतिर, सांसद राजु विष्टले बताए अनुसार दार्जिलिङ, कालेबुङ, अलिपुरद्वार, जलपाईगढी, उत्तर दिनजापुर र कुचबिहार जिल्लाको तराई र डुवर्स क्षेत्रमा दीर्घकालीन बाढी न्यूनीकरण र व्यवस्थापन योजनाहरूको अभावले ग्रामीण समुदायहरूलाई ठूलो आर्थिक नोक्सानी पुऱ्यारइरहेको छ। बंगाल सरकारको पूर्ण उदासीनताको कारण पीडित भइरहेका छन्। बंगालको तृणमूल सरकारले केन्द्र सरकारबाट बाढी व्यवस्थापन योजना अन्तर्गत हजारौं करोड प्राप्त गरेको थियो। प्राकृतिक प्रकोप व्यवस्थापन र न्यूनीकरण योजनाहरू अन्तर्गत आपतकालीन अनुदान पाएर पनि सम्पूर्ण उत्तर बंगाल क्षेत्रलाई कम गर्न आवश्यक उपायहरूबाट वञ्चित राखिएको छ। यसैगरी, पहाडमा प्रत्येक वर्ष धेरै ठाउँमा पहिरोहरू जान्छ तर बंगाल सरकारले पहिरो रोक्न आवश्यक उपायहरू नअप्नाएको विष्टले आरोप लगाएका छन्। पहिरो, बाढी र नदीको कटाउको घटनालाई कम गर्न अब ग्रामीण विकास मन्त्रालय र अन्य सम्बन्धित मन्त्रालय अनि केन्द्रीय निकायमा उठाउने साथै दार्जिलिङ पहाड, तराई र डुवर्स क्षेत्रको लागि समग्र वर्षा, बाढी र जल व्यवस्थापन योजना बनाउनको लागि माग गरिने सांसद विष्टले बताएका छन्। तिनले व्यक्तिगत रूपमा आज पीडित परिवारलाई अत्यावश्यक राहत सामग्री साथै तिनीहरुको घर पुनर्निर्माणको लागि 50 हजार रूपियाँ आर्थिक सहयोग गर्ने सांसद विष्टले बताएका छन्। यस भ्रमण अवधि आज जलपाइगढीका सांसद जयन्ता राय, सिलगढीका विधायक डा. शंकर घोष लगायत भाजपा नेताहरू, कार्यकर्ताहरू र क्षेत्रका सामाजिक कार्यकर्ताहरू उपस्थित थिए।